Ka Sengkhihlang da beiñ joor ko yei klam khlem yurim u Reading War, da i rukom wa uni u bru da ktah wei pynsñiawphær u yei sñiaw hei ngait niam wa ka dustur riti, wei kat da ka kyrdan i yong oo iwa oo da pynroh da sarong u, dang nood u wow klam khlem da tip bha iyi mut ka Chaad Sukra wa neiyi i daw ki khon Niamtre hapoh ka Ri-loom Ri 12 Dolloi pynman ki ya ka Chaad Sukra.
Heijooh i por uni u bru da klam kulmar u leh yei lehniam Behdieñkhlam, da klam pyndooh burom u ya ka niam ka rukom hadooh wym ye u mutdur, katwa kamtæ ka Sengkhihlang kawa man kawi ka kynhun kawa pait wa sylli ya waroh ki khon ka Niam Khasi ha waroh ka Ri ki Lephaw Syiem wa 12 Dolloi da beiñ joor ko yeini i klam u Reading War uwa khlem da tip bha chaphang ka lehniam wa ki riti dustur yong ki khon ka Ri Pnar kiwa dang ksoh ya ka niam ka rukom ka Niamtre.
Kamtæ ka Sengkhihlang da dawa ko wa u Reading War toh u paan maap u hapoh 4 sngi nadooh wa pynmih ya kani ka khubor.
“U Reading War hap u wow paan maap hakhmat ka pyrthai yeini wa klam u lyngba ki Social Media næ ha ki laad pathai khubor,” da ong ka Sengkhihlang.
Ka Sengkhihlang da maham ko leh wa lada u Reading War ym paan maap u, ka Sengkhihlang daw pynchitom ko ya oo katkam ki kyndon yong ka aiñ.
Kani toh katkam i pynlait khubor u S. Sari, Publicity Secretary Sengkhihlang.
Discussion about this post