Jowai: Kiwa chong chnong ka Shangpung Moolibang (Pyrmai) ynne ka sngi da li e dorkhat ki cha u Chief Executive Officer (Eastern Circle) wow kyrpaad ya O wow kylliang noh u ya u Transformer 25Kv uwa em hapoh ka chnong uwa hadooh katni ym em krehkaam.
Ha ka chithi da ong wa ym em de yoh bordiñ ka chnong nadooh u Khonchonglaad (Nov) 2017 wei hadien wa wan kylliang da uwi da krehkaam u du kamwa 8-9 bnai wei katni nadooh ka 29 Naikhynde uni u snem ym em de yoh bordiñ ka chnong.
Kamtæ da kyrpaad wow chimkhia ya kani ka kaam wow kylliang da uwi tawon u Transformer yow lait kiwa chong chnong wow thooh da kiwi ki laad ki luti.
Ha chwa ini neiliang kiwa yahkhmat ka chnong dadep li e chithi ki heiyatoh wa kani ka jooh ka kaam.
Discussion about this post