Jowai: Ka Synjuk Rangbah Chnong Ri Jaiñta (SRSJ), Laskein Block Unit, West Jaiñtia Hills, da lai yachem ki wa u Director of Health Services IM, Meghalaya Shillong u Dr. Donkupar Lyngdoh ha kani ka 7 tarik, hapoh i yahkhmat u President ka seiñ u Lowing Laloo wa u General Secretary u Niawbiang Tang wow dawa ya iwa emkaam hapoh ka Laskein.
Neiliang ka synjuk da pynsñiaw ki yeiwa emkaam ka CHC Laskein heiwa nadooh wow pynboon ya ki Doctor, u booh da ka Ambulance 108 kawa thymme neibhah kawa katni da rim ko kawa da booh nadooh u snem 2009 wa kiwi de i dawa katkam wa emkaam kani ka thaiñ.
Neiliang u Director, hadien wa sñiaw u yeini i dawa wa da e da ka dorkhat da kular u wow pynbiang katwa ye neibynta wa emkaam ki paidbah hapoh kani ka Block.
Ha kani ka jooh ka sngi ka Synjuk da lai yahcem ko wa u Suprerintendent ka Fire Services Shillong, wow dawa u booh noh ya ka Fire Services Station ha Laskein kawa man ka thaw wa hapyrdi wa kiwa boon ki chnong yow yoh yarap ki paidbah heipor wa kop diñ ki yung ki sem ki mar ki mata.
Neiliang ka Synjuk da e khublei ko ya waroh ki artylli ki tnat kiwa da kular wow yarap ya i dawa wa emkaam kani ka thaiñ.
Discussion about this post