Ka STIEH ynnin ka sngi da ujor ko ha u DC ka West Jaiñtia Hills pyrchah ya ki pulit ka Jowai Police Station heiyatoh wa i lehbor ki ya kiwa dai jhoor ha Iawmusiang, Jowai ha ka 18-06-2021 wei da knieh ya ki jhoor wa ki soh na ki wei ymtip cheiwon da booh ya ki.
Ka seiñ da ong ko wa kam ini i wan dai ki bru ya ki mar toh wym yohsa de ki neidaw wa da chem chitom ki neidaw wa em ka Lockdown wei ini i leh ki pulit da man i iwa yoosarom wei iwa ymye u pdiang.
Hajrong ini waroh ka STIEH da dawa ko ya ka bai lutsan cha kiwa dai jhoor kiwa da dooh ya ki mar yong ki wei wow pynchitom ya kini ki pulit.
Da ong ko leh wa kam ha ini i por yooluti wa ki pulit u em ki yei mynsien bru tangwa ini waroh da dooh i yei chaniah ki paidbah ha ki.
