Dawa ka Synjuk Waheh Chnong EJH na u Sniawbhalang wow pynku kyrdan ya ka Lad Rymbai Outpost cha ka Police Station, u pait yei ku bai bordiñ wa ki sarok wa sih hapoh ka Wapung C&RD Block

Ka Synjuk Waheh Chnong ka East Jaiñtia Hills District da phah dorkhat ko cha u Symbood Montri Rangbah ka jylla u Sniawbhalang Dhar yow pynchna ya ki sarok hapoh ka Wapung C&RD Block, u takit yei ku ka bai bordiñ hapoh ka District wei wow pynku kyrdan ya ka Lad Rymbai Police Outpost cha ka Police Station.

Ha ka dorkhat da ong wa ki sarok hapoh ka Wapung C&RD Block toh kiwa da sih bha kiwa da emkaam wow pynchna noh kam ka Wapung Chnong Lad Sohkympor cha Wapung C&RD Block, ka Mukhep lyngba ka Pamrapaithlu cha Wapung C&RD Block, ka Wapung Skur cha Wapung C&RD Block wa ka Pamrapaithlu cha Wapung C&RD Block.

Heiyatoh wa ka bai bordiñ da ong wa toh kawa da ku bha iwa da pynchitom ya kiwa chong chnong hanla i thang bordiñ man i kamjooh. Kamtæ da kyntu wow phah pynman dei takit yow chem yei bakla hei rukom kheiñ bordiñ kamjooh wow pynman yei rukom kheiñ bordiñ deiwa khooid.

Neibynta won ka Lad Rymbai Police Outpost da ong wa kani toh kawa da seiñ nadooh u snem 2013 wei da chakri ko ya palat 80,000 ngut ki bru wa em ha 46-55 tylli ki chnong wei da toh por wow pynku kyrdan ka cha ka Police Station.

Related posts

Da i yachemlang wa ar sngi u pynman ka Seiñ Raij Raliang

December 20, 2025

Joor i yakhih ha Bangladesh pyrchah ya ka India | Chah hiar thma ka yung ka Indian High Commission

December 20, 2025

Deiwa leh kamni daw ye u pynboon ya kiwa kreh yow ye u yabeh smat manda jia iwon iwon i kaam pyrchah aiñ.