Ka Thma U Rangli-Juki (TUR) ynne ka sngi da lai e dorkhat ko ha u montri rangbah ka jylla u Conrad Sangma yow dawa pynyoo bniah yei lutphut hawa yatoh wa i yaleh pyrchah yaka khlam COVID-19.
Ka TUR da ong ko wa yaka T. 399 klur kawa da pynbna daka sorkar wa da pynlut, ye wow em iwa da pynemkaam bakla yaka deiwa e nongmuna yaka poisa wa da e yarap cha kiwa khih mylla sngi, ki manyung BPL kawa da poi hadooh T. 51 klur.
Kamtæ da ong wa lada chim katkam wa da pynbna ka sorkar wa da yoh yarap 2,42,857 ngut kini ki bru iwa T. 2100 samen. Ka TUR hei leh sorjamin (Survey) yong ka wa yatoh waki bru kiwa ym em hapoh kiwon kiwon ki seiñ (Unorganized Sector) ki wakreh ha Shillong, da chem wa duna bha kiwa yoh yarap na kani ka poisa wei lada em kiwa yoh leh, yoh ki du T. 700 donhi kawa man wa yoh ki du chisien donhi.
Kamtæ ka TUR da dawa ko wow khana bniah yei pynlut wei hapoh ka Section 4 ka aiñ RTI toh u pynbna paidbah hi ya ini yow che ki paidbah.
