Ka United Democratic Party (UDP), ynne ka sngi da thoh ko cha u Montri Rangbah ka jylla yow pynyinsur yei snem wa ye ki bru wow yaleh kreh ya ki kaam sorkar hapoh ka jylla Meghalaya.
Ka UDP da ong ko wa ya ini na i por cha ki por da wanrah ko neidaw wa joor dooh kreh ki khynroo khyllood ka jylla heiwa kiwi ki jylla da chim ki ya i rai heiyatoh wa ini wow pynyinsur ya i snem wa ye u yaleh kreh sorkar neidaw wa katwa dang lai i por dang boon kiwa yaleh kreh heiwa kiwa boon da dooh ki wow yaleh kreh neidaw i snem.
Da ong wa deiwa leh ya ini ini daw pynduna ko yei chitom pyrkhat kiwa da heh rta wa da dooh laad ki wow yaleh kreh.
Chooh chooh da ong wa hadooh ka UPSC leh da pynyinsur ko yei snem (Upper Age Limit) neibynta ki jylla wa em ha Northeast. Wei hapoh ka jylla haka sien wa nyngkong ka chnat puræ puthi da pynyinsur ko yei snem kiwa ye u yaleh kreh cha ka 37 snem neibynta ki ST.
Kamtæ da sñiaw wa hadien haka kyrdan yong ka ri leh da chim ya ini i rai kamjooh leh ha kiwi ki jylla. Ka Meghalaya toh u pyrkhat ko ya kiwa yaleh kreh.
