Ka United Hynniewtrep Movement (UHM), West Jaintia Hills District da lai dawa ko wow wai da ka chnat SBI Bank wei wow booh ya ka kor ATM neibynta ka thaaiñ Namdong neibhah katkam wa man, hadooh katni leh ym pu em Bank hapoh ka chnong Namdong wa ka thaaiñ Namdong hi waroh kawi kawa heh wei kawa man pyrdi.
Kamtæ neiliang ka seiñ da lai e ko dei thoh ha u Deputy Commissioner ha Jowai yow chimkhia u wow pynmankaam yei angnood ki paidbah, neibhah katkam wa man katni ki paidbah hap ki wow lai hadooh 50-60 Km yow poi cha ka SBI Bank wa em chajan dooh, wei lada ka sorkar ym booh ko ya ki Bank kam ha ki thaw wa rap man pyrdi, daw man ko i eh ya kiwa khayi, ki warep kamjooh ya ki khynnah skur wow pyndep ya ki kaam wa yatoh wa ki Bank.
U President ka seiñ u Bantei Sari chirup wa u Vice president u Firstborn Sumer da ong ki wa ki Bank toh kiwa emkaam u em ki chajan ki paidbah khamtam ha kam kini ki por wa chem ki paidbah yei eh.
U General Secretary ka seiñ u Jinus Lipon da ong u wa ini toh i angnood wa khroo yong oo wow pynyoh ya kani ka Bank SBI ha chnong Namdong uwa man leh uwa chong chnong uwa da sñiaw yei ood i naam ki paidbah, kamtæ da kyrpaad u ya u MLA ka thaaiñ Namdong wow chimkhia smat yow ye u pynmankaam yei angnood yong ka seiñ kamjooh leh ki paidbah.
Ka khubor wa da pynlait da u General Secretary ka seiñ UHM-West Jaiñtia Hills District u Jinus Lipon.
