Ki dkhot ka Vishva Hindu Parishad (VHP), Meghalaya Unit ynnin da yachem ki wa u Lat ka Meghalaya, u Phagu Chauhan ha Raj Bhavan, Shillong.
Ha ini i yachem, neiliang ki dkhot ka VHP da e ki leh da ka dorkhat ha u Lat yow dawa tuklar yow wanrah yei suk hadien iwa jia ha ka Mandir ki Hindu wa em ha Mahadev Khola Dham ha thaaiñ Lawsohtun, Shillong iwa da jia ha ka 24 tarik uni u bnai.
Ka VHP da kyntu ko ya u Lat wow pynman da ka takit ka wym yachah chiliang wei yow kem ya kitu kiwa emkti wei wow pynchitom ki katkam ka aiñ.
Ini wa da jia ha kani ka Mandir kawa man leh ka Shiva Temple da sdang i wow bna hapoh ka ri heiwa da mih ki pynbaad wa ini wa jia toh hajrong ka niam hanla i kajia wa da jia toh wa em uwa wan thied Amul Kool na iwi i dukan deiwa ong wa daw su won u hadien tangwa neidaw wa kawa dai dukan ym bien ko te mih i yachoh yadat ar sien nyngkong hapyrdi u khon kani ka tre dukan wa uwa wan thied wei hadien won uni uwa thied da wan yah lok u iwa da pynmih biang yei yachoh hapyrdi ki ar liang.
Hapyrdi ini waroh da mih i pynbaad na kawi ka seiñ wa tip kam ka Legal Rights Observatory wa emkti ki dkhot ka KSU neibhah hachwa ini da dep ujor ka KSU pyrchah ya kini ki bru wa sah ha ini i thaw deiwa ong wa da chong chnong ki pyrchah ya ka aiñ.
Kani ka Legal Rights Observatory leh da pynbaad ko wa ini wa jia toh iwa pynchit da ka Balang Presbyterian yow yachoon uwi ya uwi.
Puræ leh: Da kem ya 5 ngut kiwa wan pynkulmar ha ka Hindu Temple ha Shillong
Puræ leh: E FIR ka KSU pyrchah yaka LRO kawa pynbaad emkti dat bru ka seiñ ha Mandir
Discussion about this post