Ka War Jaiñtia Students’ Union (WJSU) ha ka 30 tarik uni u bnai hapoh i yahkhmat u Overnas Langngier, Joint Secretary ka Central Body da hiar li pait li sylli ki ya u sarok Amlarem-Pdengshakap uwa da joor i sih wei lang um manda haap slap.
Heini i hiar li pait li sylli ka seiñ, da pynsñiaw ko i diaw wow yoo yei wym chimkhia ka sorkar u pynchna ya uni u sarok uwa da pynsaja yei lai i wan ki paidbah.
Kamtæ da booh ki i kyntu joor wei i dawa na ki bor sorkar wow chna smat ko ya uni u sarok khnang yow suk ki paidbah wa lai wa wan.
Discussion about this post