Ka Seiñ Kur Dorbar Pyllun yong ka Kur Biam kawa man chi kur waka kur Buam da pynsñiaw ko yei sñiawsih wei da beiñ joor ko yei lehbeiñ ki chipai ka Border Security Force (BSF) ya u Dr. Seiboklang Buam, u Officer In-Charge yong ka Veterinary Dispensary wa em ha Muktapur, kiwa da thmu wow pynlooid sula oo waroh chi rynyieñ wei da thmu ki wow siat yap oo heipor wa dang mut u wow lai khwe dakha ha wah Lakroh heipor 12:30 chiteiñ sngi haka 11 tarik.
Ka Kur Biam da dawa ko na ki bor yong ka aiñ wa toh u kem noh chisiendon ya kini ki BSF wa emkti wa kynthup ya u Rajendar Kumar wa kiwi de ki chipai BSF kiwa da emlang ha katai ka sngi.
Ka kur da beiñ joor ko yeini i leh embor ki BSF yow chim ya ka aiñ ha kti yong ki wei da toh u kem wei pynchitom ki katkam ki kyndon yong ka aiñ neibhah ka aiñ ym chah ko wow chim ya ka aiñ ha kti yong uwon uwon wot da ki BSF leh.
Katkam wa khana u Dr. Buam da ong wa katwa dang lai luti u, ki BSF da pyrchang ki wow takit ya oo lakam wa oo toh u nong Bangladesh, wei heitai i por da kylli u ya ki chipai BSF ileh wym em kem ki ya ki nong Bangladesh kiwa wan man-i-por cha India wa ya ki masi kiwa em ha khappood.
Ha ini i por da sai u ya ka Mobile Phone yow riñ dur ya ki masi wei hadien wa ki cihpai da yoo ki yeini da knieh yabor ki yaka Mobile wei da ong ki wow taan yabor ya oo cha Zero Point yow siat yap ya oo, kamtæ ha ini i por da kbai bru wei da yoh yarap u na ki ar ngut ki kynthai wa khwe hajan kiwa da wan yarap ya oo.
Da da khana wa heini i por ki BSF da pyrchang ki wow pynlooid sula oo, da dawa ki leh wa toh u paan maap u deiwa ngooh na sla kjat wei lada ym leh u yeini daw dat ki oo.
Neiliang ka Kur Biam da pynsñiaw ko yei khublei kyrpang ya kitu ki manbei kiwa da yarap ya u kur wei dei chlur yong ki da lai u nei yap.
Ka kyrwoh khubor wa phah da u Marshall S.B. Biam.
Discussion about this post