Jowai: Ka West Khasi Student Union (WKSU) waka Western Youth Federation (WYF) ynne ka sngi da thoh ki cha u montri rangbah ka jylla, u Conrad Sangma wow pynneh ya u Arunkumar Kembhavi kam u Deputy Commissioner ka West Khasi Hills District.
Kini ki ar seiñ da ong ki wa da chem ki wa u Arunkumar kam u DC, man u uwa khooid ha i kreh u ha kini ki 14 bnai wa man u kam u DC wei da chah kyrriah u khlem em daw wei oo leh da man u kam u budloom wow wanrah ya ka roi ka paar hadooh wa ka yaleh kreh DSC da man ko kawa khooid wei da e laad leh ya kiwa boon wow yaleh kreh ki khlem em ka pait chilliang kawa da phær na ki snem wa dadep.
Kamjooh leh kini ki arseiñ da ong ki wa kiwi ki tnat sorkar da krehkaam bha ki nadooh wa em uni u DC.
Kamtæ da kyntu ki ya u montri rangbah wow leh u yeiwa emkaam heiyatoh wa ini i kaam neibynta i myntoi ki paidbah yow pyndam yei chah kyrriah kaam u Arunkumar.
Discussion about this post