Ki ar seiñ kitæ ka FKJGP waka JSM, ynnin ka sngi da lai e dorkhat ki ha u DC ka West Jaiñtia Hills yow pynsñiaw yei sñiawkhia yeiwa da hap ki paidbah wow maad kiwa pynemkaam ya u sarok Pasyih-Garampani neidaw wa pteiñ ki pulit wow khang yei lai i wan.
Da ong wa ini da ktah ko yaka khayi pateiñ ha ki thaaiñ khappood iwa da wanrah yei eh khamtam ya kitu kiwa kup chilliang wa sem chilliang katwa ha kiwi won ki thaw wa em khappood wa kiwi ki jylla ym em khang yei psiah yei mih wei wow ya dai ya thied ya ki mar rep.
Kamtæ ki ar tylli ki seiñ da kyrpaad ki na u DC wow leh iyi re iyi neibynta kini ki paradoh parasnam wow thooh laad wow wai noh ya ka khyrdoh kawa da booh yei eh ya ki paidbah.
