Jowai : Ki ar-tylli ki seiñbhalang kiwa kynthup ya ka Khasi Jaintia National Union (KJNU) wa ka Meghalaya People United Front (MPUF) hadien wa da ujor ki paidbah cha ki ynne ka sngi da lai yachem ki wa u DC ka West Jaiñtia.
Ha ini i yachem da pyntip ki wa ka thaw khrong khajna ki Dolloi man ko kawa ktah chiboon ya kiwa yah truck neibhah wa boon ki dan wa hap su ki.
“Katkam ka hukum ka Supreme Court ha ka 29 Naikhynde 2016 ym em u klam ko wa ki Dolloi ye ki u khrong dan na ki sarokbah næ ki National Highway wei ym em pyrchah i ya ka customary tax kawa jooh khrong ki Dolloi” da ong ki ar seiñ.
Ki ar seiñ da yachem ki leh wa u CEM ka JHADC ha ka 29 tarik uni u bnai heiwa da ong u wa ka Council ym em u ebor ko ya ki Dolloi wow leh kamni.
Kamtæ ynne ka sngi ki ar seiñ da yachem ki wa u Deputy Commissioner ka West Jaiñtia Hills heiwa da e ha oo ya ka Dorkhat wow dawa wow pyndam noh ya ka thaw khrong dan ki Dolloi neibhah i khrong dan ki Dolloi nadooh warim toh du ha ki Iawniam kam ha Iaw Raliang, Iaw Sutnga, Iaw Pynsin wa kiwi kiwi.
Neiliang u DC da kular u wow leh yeiwa emkaam wei da dep thoh u cha ka sorkar wei dang yang yei rai yong ka.
Discussion about this post