Khliehriat: Ki artylli ki seiñ wa kynthup ya ka Southern Border Youth Welfare Association (SBYWA), wa ka Jaiñtia Youth Federation, East Jaiñtia Hills (JYF-EJH) kiwa em hapoh ka Elaka Rymbai wa Lakadong, EJHD da lai e dorkhat ki ha u Executive Engineer Officer, PWD (R) Department, Khliehriat ha ka 14 tarik uni u bnai.
Kini ki ar seiñ da dawa ki wow chna pynmiat (Repair) ya u sarok wa tip kam u Rymbai-Bataw-Borkhat Road (RBBR) neibhah da sih ware u cha palat pood heiwa da booh u hei eh i khoo ya ki paidbah hei lai i wan yong ka thaaiñ khamtam hei chitom saja.
Ki ar seiñ da kyrpaad ki leh ya ar ngut kiwa mihkhmat ka thaaiñ, u Shitlang Pale uwa man u MLA ka Saipung-Sutnga Constituency wa u Kyrmen Shylla uwa man u MLA ka Khliehriat wow chimkhia ki hajrong kani ka kaam neibynta wow pynbha pynmiat ya uni u sarok ha ki por tlang wow wan khnang wa ki paidbah u suk ki ha i lai i wan.
Kani toh katkam ka Wyrta khubor na u J. Pala, President, JYF-EJH wa u N.L. Talang, General Secretary ka SBYWA.
