Dawa ki khynroo ka War Jaiñtia wow booh biang ya ka Ambulance 108 ha ka thaaiñ

Jowai: Ki khynroo ka thaaiñ War Jaiñtia kawa haap hapoh Amlarem Civil Sub-Division, West Jaiñtia Hills District da iwi i sur da lai yachem ki ya u Chief Operating Officer (COO) u Deepankar Choudhuri wa ya u Supply Chain Management yong ka 108 Ambulance ha ka Headquarter ka 108 Emergency Service wa em ha Shillong.

Ki khynroo yong kani ka thaaiñ hapoh i yahkhmat u Treiborlang R Suchen, u Mardikordor Pohchen wa u Eddy K Pohtam wa kiwi kiwi da lai e dorkhat ki ha u COO ka 108 Emergency Service, yow pynpoi biang ki ya ka kari kitbru wa kjut chapoh ka thaaiñ War Jaiñtia khamtam hapoh Amlarem wa ha ka thaaiñ Dawki kiwa man ki thaw wa wan tooid kiwa uiñke suwari.

Ki khynroo da ong ki wa ki paidbah yong ka thaiñ da ood ki neidaw wa ki paidbah chong chnong chem chitom cha wa palat wow yoh ya ka kari kitbru wa kjut wa chitom wei da haap su ki da i dor wa heh wow kit ya kiwa kjut da ki kari kamai wei jynjar leh wow yoh kari ha i por chiteiñ miet wow pynpoi ya kiwa kjut cha ki Hospital waphær waphær.

Katkam wa yaklam wa u Director ka 108, da ong u wa ka tnat 108 da chim noh ya ka kari Ambulance na ka thaaiñ ha ki snem wa da dep neidaw wa duna ware kiwa kjut kiwa pynemkaam ya ka kari 108 Ambulance kamjooh wa thut ka Mobile Network ha ki snem wa dadep.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang kini ki khnroo da e yumut ki wei da pynche ki haka tnat wa ki thaw wa boon katni toh kiwa da biang lut ki sarok kamjooh leh ka Mobile Network da biang bha hawa wyrchaw wa ki snem kiwa da dep. Neini i daw da kyntu wow pynpoi biang ya ka kari 108 cha kini ki ar tylli ki thaw hapoh War Jaiñtia.