I yakhih ki paidbah wow dawa pynhiar ya i dor phniang kari (Petrol wa Diesel) dang joor chooh chooh i heiwa ynne ka sngi neiliang kiwa chong yaw da pynman ki ya ka yalang paidbah ha thaw pynyieñ kari ha Mawkhar.
Kawi ka manbei kawa pyrtuid Victoria Marwein kawa man kawi na kiwa chong yaw da ong ko wa ka sorkar toh u leh ko yeiwa emkaam lada chong chuki ki na ki paidbah, ymtoh wow chong donhi ha ka chuki neibhah i ku dor i phniang kari da pynhiar i ya i khayi pateiñ ha yaw ha haat wei daw chah ktah dooh kiwa dai ya ki mar wa pyut.
Da ong chooh chooh ko wa ki paidbah toh u man ki kiwa da khreh neini chaphrang lada ka sorkar ym mano ko ya i dawa neibhah wym ye u pait ya ki khon wa chah thngan ki hajrong wa em i chitom wa yachem nadooh wa wan ka khlam COVID-19.
Chooh chooh da ong ko wa i ku dor i phniang kari da ktah i ya kiwa dooh neibhah wa hap lai ki dei kjat wei wot ki mar wa wan poi na baar leh hap yang lada ki mahajon pynku dor ki ya ki mar.
