Shillong: Ynne ka sngi, da ki spah ngut kiwa kreh mylla sngi, da pynman ki ya i lai paidbah na madan Iewrynghep cha khmat ka Additional Secretariat, Shillong chi bynta wow leh warom ya ka sngi wa kyrpang yong kiwa mylla kawa tip kam ka May Day ha kylleiñ ka pyrthai.
Ha ini i lai kjat da rah ya ki Placard kiwa da thoh ya ki kyntien kiwa yatoh wow yada ya kiwa mylla sngi, khnang wow yoh ki ya i rukom im wa ryngkat kyrdan wa kiwi.
Hawa klam ha kani ka yalang, ka Angela Rngad kaawa man kawi na kiwa yahkhmat ya ka TUR, da ong ko wa ka sorkar toh u pynkrehkaam noh ko da ka Minimum Wage Act heiwa i su nongsngi ya kiwa mylla sngi, u man ni hei dor iwa biang wa iwa ryngkat dor wa ka aiñ.
Ka Angela da ong ko wa ka nongsngi cha kiwa mylla sngi toh u su T. 580 chi sngi wei da toh leh u thap da ka Provident Fund ya kiwa mylla kawa haap sai 12% da uwa e khih neibynta uwa mylla.
Da ong ko wa i lai paidbah ynne ka sngi toh wow pynyoo wa kiwa kreh mylla emkaam ki ya ka nongsngi kawa biang, ka wow ye ki u pyndap pynbiang ha yung ha sem.
Da kam ko wa ka nongsngi ya kiwa mylla ha kani ka jylla man ko kawa duna bha hawa wyrchaw wa kiwi ki jylla wa ri wei ka sorkar jylla toh u sñiawsarom ko yeini.
Discussion about this post