Ha ka 12 tarik uni u bnai, ka Jaiñtia National Council (JNC) Western Zone, hei yahkhmat u President yong ka, u Hamehi Bamon chirup wa ki kattu katni ngut ki dkhot da lai yachem ki wa u Branch Manager yong ka Punjab National Bank Nangbah Branch wow yaklam heiyatoh wa i dawa, i ood, i thrang yong ki paidbah ka chnong Nangbah wow pynyoh kor ATM yow suk ki u sai poisa neibhah ha kani ka chnong em leh du kani kawi donhi ka Bank.
Deiwa wanrah da ka ATM u man ko i myntoi wa khroo ya kiwa chong chnong ha kiwa boon ki liang neibynta ka kaam poisa poilaiñ, kamtæ neiliang u President ka seiñ da ong u yow Branch Manager wa ka seiñ daw booddien ko hadien chi bnai ar bnai heiyatoh wa ini i dawa wei neiliang yong u Branch Manager leh da kular u wow leh wut wut yeiwa emkaam kamwa ka seiñ da dawa ko.
Ha kani hi ka jooh ka sngi, ka seiñ da lai ko wow yachem wow dawa sa na ka Branch Manager yong ka State Bank of India Phramer Branch heiwa da e lang leh dei thoh yow dawa booh ATM ha Phramer kawa man ka chnong wa em ha pyrdi bha iwa daw pynmyntoi ya kiwa boon nadooh i khih i khan kamjooh hei lai i wan ki bru wei na itæ i daw emkaam bha wow wanrah ya ka kor ATM khnang wow pynsuk ya ki paidbah waroh.
Neiliang ka Manager da kular ko wow chimkhia yeini.
Discussion about this post