Ka seiñ Jaiñtia Students’ Movement, Southern Region (JSM-SR) ynnin ka sngi da lai e ko da i thoh wei da yachem ko ya u H. Iacais, Executive Engineer MePDCL, Khliehriat hadien wa ki paidbah wa chong chnong yong ka chnong Umrasiang, East Jaiñtia Hills District da chem chitom wei da sah ki hei doom khlem bordiñ la 2 bnai nei sih u Transformer (63KV) wa da pynemkaam da ki 50 tylli manyung yong kani ka chnong.
Ini da booh ko hei eh hadooh kattæ kattæ ya ki paidbah wa chong chnong wa khamtam ya ki khynnah skur wa da hap wow pyndep ya ka Online Class ha i por wa biang.
Ka seiñ da kwah ko wow tip wa ileh wa katai ka chnat ym em chimkhia ko hawa kiwa yahkhmat ka chnong da wan ki wow yachem ya u SDO wa toh u pait la arsien neibynta wow dawa kylliang thymme ya utai u Transformer wa ki paidbah chong chnong da pynsñiaw ki ya itai i eh.
Neiliang utai u Executive Engineer da pynsñiaw u wa daw chimkhia wei ye wow pynyoh ha ka tayaw wow wan.
Ya ini i wan yachem da yahkhmat da u President ka Southern Region u Skhembhalang Dkhar, u General Secretary u Cleofast Shylla deiwa emlang u President ka Eastern Region u Wellson R D Siangshai, u Waheh Chnong u Khamli Rymbai, Secretary Chnong u Seibor Bareh deilang wa kiwi ki dkhot ka seiñ.
