Ka seiñ Jaiñtia Students’ Movement Eastern Region (JSM-ER) hapoh i yahkhmat u President u Wellson R D Siangshai deilang wa u Vice President u Donkupar Roy Kharkrang wa u Assistant General Secretary u Kisme Dkhar ynne ka sngi da lai yachem wei da e dei thoh cha u Deputy Commissioner, East Jaiñtia Hills District wa ha u Branch Manager ka SBI Khliehriat Branch.
Ya ini da leh deiwa dawa pynbait ya i Address yong ka State Bank of India, Khliehriat iwa hadooh ha ka Google Map leh da thoh Khelerihat, State Assam, Karbi Anglong District.
Ka seiñ da ong ko wa ym ye u pdiang ya ini i rukom thoh wei da dawa pynbait na ka Khelerihat cha ka Khliehriat, Assam cha ka Meghalaya wa Karbi Anglong District cha ka East Jaiñtia Hills District.
Ha i yachem wa u DC da kular u wow phah pynbait khnang wa ki paidbah wa chong chnong yong i ym em ki iyi iyi i sñiawphær. Ka seiñ da ong ko leh wa kam ini i bakla ym toh de wow jia neini chakhmat.
