Jowai: Ka Jaiñtia Student’s Movement-West Circle hadien wa da hiar ko wow lai pait lai sylli yei long i man u sarok wa nadooh ka yingkieñ Treiongriang chadoh Pynthorlangteiñ da chem wa i sih uni u sarok man ko cha wa palat. Wei ka seiñ da chem ko leh wa boon kiwa chong chnong ood ki ha i lai luti yong ki khamtam ha i kjut i chitom.
Ka seiñ da beiñ ko leh ya u MLA ka thaaiñ wym pait u yeini i sih uni u sarok iwa da neh kattu da boon snem uwa ym em pynchna pynmiat chisien leh.
Uni u sarok uwa tip leh kam u NH-44 (E) toh uwa poi chadooh cha Dawki.
Ka seiñ da kyrpaad ko leh na u DC ka West Jaiñtia Hills District wow chimkhia u wow tuklar neibynta uni u sarok khnang yow suk kiwa lai wa wan ha uni u surok da ong ka kyrwoh khubor na u C. Sungoh Vice President ka JSM Western Region.
Discussion about this post