Ynne ka sngi, ka Synjuk Waheh Chnong Ri Jaiñtia-Mynsngat Namdong Khanduli Area da li booh dorkhat ko ha u DC yong ka West Jaiñtia Hills hajrong i ku dor i bai kari.
Ha kani ka sngi da mihkhmat u Vice President, u K. Siangshai, u Secretary, u D. Dkhar wa ki kattu katni ngut ki dkhot deiwa synranlang u President ka seiñbei u A. Lipon.
Ka synjuk da dawa ko na u DC wa kamwa da pynhiar dor ka sorkar ya i phniang kari, ya i bai kari leh chisyndon toh u pynhiar dor hapoh ka thaaiñ waroh kawi.
Neiliang u DC da pynche u wa daw yaklam u wa u DTO heiyatoh wa ini i kaam.
Kamtæ ka synjuk da kyntu ko ya ki seiñ kamai kari yong ka thaaiñ wow sñiawbha u pynhiar dor bai kari kam nachwa deiwa pyrkhat ya ki paidbah yow lait i chah ktah i lai i wan kiwa dooh wa duk, pynkut ka kyrwoh na u Secretary ka SWSRJ-MNKA
