Dawa pynku kyrdan ka Dong Moopynieiñ cha ka kyrdan chnong ka wow tip kam ka Wapung Moopynieiñ

Jowai: Kiwa chong chnong ka Dong Moopynieiñ, Wapungskur, ynnin ka sngi da yachem ki wa u Dolloi ka Elaka Jowai yow kyrpaad pynku kyrdan noh yaka Dong Moopynieiñ cha ka kyrdan chnong ka wow tip kam ka chnong Wapung Moopynieiñ.

Kiwa chong chnong ka Dong Moopynieiñ da ong ki wa ya ini i thrang da chong pyrkhat da boon sien kamjooh ha ka dorbar dong wa dang dep pynman heiwa da rai da iwi i sur wow pynku kyrdan noh yaka Dong Moopynieiñ cha ka kyrdang ka chnong.

Haka chithi wa da e kti cha u Dolloi da ong wa ka Dong Moopynieiñ man ko kawi na ki Dong wa da rim wei da heh hapoh ka thaaiñ Wapung wei man ko leh kawa da boon bru bha kawa da em hadooh 139 tylli ki manyung wei i boon bru da poi 801 ngut wei hapoh ka dong da em leh 4 tylli ki skur wa kynthup ya ar tylli ki Secondary School.

Kamtæ ka dong da thrang ko wow yoh ka yong ka hi ka bor synchaar chnong dei wym ye hi leh u mylliñ ya i kreh chitom ka Dorbar Chnong Wapungskur wa boon jait yow pynku yaka Dong Moopynieiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong leh wa i yoh wow tipmit noh yaka dong kam ka chnong daw wanrah wei daw pynneh pynsah ko ya i maya, i ya man kam chi payu, i sñiaw yajan, i ya tylli, i man kam kawi lang ha waroh ki liang neibynta ka roi ka paar, ka bha ka miat wa ka chongsuk chongsaiñ.

Ya kani ka jooh ka chithi da phah leh cha u CEM ka JHADC, u MDC ka thaaiñ wa kiwi kiwi.