Ka HYC Wapung Unit ryngkat wa ka HYC East Jaiñtia Circle ynne ka sngi da yachem ko ya u Deputy Commissioner ka District yow dawa wow pynkhooid yei rukom thung kreh hapoh ka District lyngba ka DSC næ ki Recruitment Departmental Board heiwa da dawa wow pynkhreh ym duna 20 thup ki Question Papers wei chwa wow thoh Exam wow pynkhle ya ka thup wow jubab kiwa yaleh kreh heiwa ya ini emkaam u riñ Video katwa kiwi ki thup wa sah won emkaam wow Upload ha ki Website wei wow biah ha ki Public Notice Board khnang wow tip yei yaphær kini ki thup.
Da dawa wa ka Interview Marks ymtoh u tam ko ya ka 12% kamwa da kdaw da ka Supreme Court ka ri India.
Da dawa wow booh CCTV wow riñ Video ya waroh ki Examination Centre, ya ki Interview wa kamjooh leh heipor wa lakha ya ki Marks.
Ka seiñ da ban joor ko leh wow pynbna ya ki Result hapoh 24 kynta nadooh wa dep Interview heiwa ki bru wa chim Interview ymtoh u chah wow rah Mobile Phone ki heipor Interview wei wa i thung ya kiwa chim Interview ymtoh u embynta ki ha ka Politics nea u man ki kam ki dkhot yong kawon kawon ka Political Party næ ki seiñ saiñhima namo kiwa hayung yong kiwa mihkhmat paidbah.
Waroh ki bru wa embynta wow pynlai yei thung kreh nadooh kiwa pynkhreh ya ki thup kylli, kiwa pynbait ya iwa da thoh wa kiwa chim Interview toh u pyntip ki yei em yong ki (Asset) hachwa wow chim ya i kaam wei hadien ini kamwa 5 snem hadien wa da pyndep yei thungkreh. Wei ya ini toh wow pynyoo paidbah yow tip lut (Public Domain).
Ha ki thup jubab (Answer Script) ki Written Examination ym chah wow thoh ya ki pyrtuid wa kiwi kiwi ki dak wow pynyoo nae kdaw yei mantre kiwa yaleh kreh wei wow em ki CCTV nae rin Video heipor wa sylli ya ki thup jubab yong ki katwa ya ki jingkylli wa tbian (Objective) toh u pynemkaam da ki Computer deiwa Scan donhi ya ki.
Heijooh i por da pyrchah leh ya i wanrah Experience Certificate deiwa kdaw wa ki khynroo khyllood hadien wa puræ ki boon snem, da chong ki khlem kreh neiwon u yoh ki ya ka Experience Certificate.
Ka seiñ da ong ko wa ki bru wa tyngkheiñ ya kini ki kyndon toh u pynngat ya ki hapoh ki kyndon ain wa kynthup ya ka Prevention of Corruption Act wa kiwi kiwi ki kyndon ka aiñ kiwa krehkaam hapoh ka ri.
