Dawa takit ka JSU yei baam tooh wa T. 5.78 Klur ha JHADC

Ka Jaintia Students’ Union (JSU)-Central Body da dawa takit ko naka District Council Affairs (DCA) Department yong ka sorkar jylla hajrong i baam tooh yaka poisa kamwa T. 5.78 Klur tam ka Jaiñtia Hills Autonomous District Council (JHADC) .

Ka JSU da pynsñiaw ko yei sñiawkhia yei dooh poisa ka JHADC hadooh wym ye de wow su leh yaka tulop ki wakreh wei ka seiñ na i por cha ki por da booddien ki wei da kam ki wa da chemdien ya i daw toh neidaw i baam tooh hapoh ka JHADC iwa man iwa joor bha wei da chem waka EC wa yakhmat da u T. Shiwat ka pynemkaam bakla ko yaka poisa kamwa 5.78 Klur tam.

Ka seiñ da ong ko wa haka Budget Session yong Ka JHADC kawa man haka 15-04-20, u EM In-Charge yong ka chnat Tax wa Trade yong ka Council u Winning G Sungoh uwa da pyntip wa ki kari kitmar kiwa chah ksoh ha ki artylli ki Check Point yong ka Council wa em ha Mookyndur wa Ratacherra-Umkiang nadooh ka 01-07-2019 hadooh 29-02-2020 em ki 21,019 tylli wei ka kuna wa da yoh na kini ki artylli ki Check Point nadooh 01-09-2018 hadooh 29-02-2020 man ko T. 4,83,300.

Tangwa ka seiñ da ong ko wa katkam ki sakhi ki sabut wa da yoh ki, ka seiñ da chem ko wa waroh ki kari kiwa lai khlem ki kot ki sla kiwa biang kiwa ki wakreh yong ka Council da yoh ksoh ki nadooh ka 01-09-2018 hadooh 29-02-2020 da em ki 58,293 tylli wei katkam wa kheiñ daka seiñ:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

01-09-2018 hadooh 08-02-2019 da em 22,587 tylli.

01-03-2019 hadooh 30-06-2019 da em 14,687 tylli.

01-07-2019 hadooh 29-02-2020 da em 21,019 tylli.

Waroh da em 58,293 tylli.

Kamtæ katkam ka aiñ yong ka Jaiñtia Hills Autonomous District Council-Trading by Non-tribals Regulation Act 2011 da kdaw che wa kiwon kiwon ki kari kiwa tyngkheiñ yaka aiñ hap ki wow su T. 1000 kawi ka kari. Wei lada kheiñ yaka poisa kawa toh u mih da man ko 58,293 × 1000 = T. 5,83,29,300.

Ini da phær ko neiwa jubab u EM In-Charge wa nadooh ka 01-09-2018 hadooh ka 29-02-20 wa em du T.  4,83,000.

Ka seiñ da ong ko wa ini da pynyoo che wa da pynemkaam bakla yaka poisa wa chongdor hadooh kamwa T. 5,78 Klur tam katkam i yukheiñ wa wa kdaw heini T. 5,83,29,300 – T. 4,83,000 = T. 5,78, 09,700.

Kamtæ ka seiñ da dawa joor ko naka chnat DCA yong Ka sorkar jylla wow phah takit bniah hajrong i pynemkaam ya katai ka poisa yong ka JHADC da kani ka EC kawa katni khnang wow chem ya kiwa emkti.

Neiliang yong ka seiñ da pynkhreh ko wow e dakai mukutduma neibhah ka seiñ da em ki yaki sakhi satar kiwa biang, pynkut ka kyrwoh na u President yong Ka JSU, u Lawyerson War.