Ka Khasi Students Union (KSU), North Khasi Hills Eastern Border Area ynne da yachem ko ya u District Medical & Health Officer (DMHO) ka Ri-Bhoi wow paan pynche heiyatoh wa i yap iwi i khynnah wa 2 snem hadien wa yoh Injection ha Bhoirymbong Community Health Centre.
Kam wow kdaw heini ha ka 15 tarik uni u bnai kawi ka khynnah wa ar snem da chah Inject ko ha kiwa kreh ka Bhoirymbong CHC wei neini da bood i chitom hadooh wa hap kit ya kani ka khynnah cha Nazareth Hospital tangwa da khlaad noh ko ha ka 21 tarik.
Ka KSU hadien wa yachem wa kiwa ha-yung kani ka khynnah kiwa kam wa da jia ini hadien wa chah Inject ha kani ka CHC, da lai yachem noh ki wa u DMHO wow dawa takit lada toh nei e Injection namo na kiwi tawon ki daw.
Ki heh ka KSU da ong ki wa da dawa wow takit yeini na u DMHO khnang wow tip yeiwa sakhiat neibhah wa da tieñ ki paidbah ya ki thaw sumaar sorkar.
Neiliang u DMHO da kular u wow takit hajrong ini wow chem yeiwa sakhiat wei wow pyntip paidbah yeiwa chem.
Discussion about this post