Ka Khasi Students Union War Jaintia Circle ha ka 2 tarik uni u bnai hadien wa yoh ujor na ki paidbah wa tkoh i krehkaam ka Nongtalang CHC wei hawa lai pait da ka seiñ da chem wa la ar bnai u Doctor In-charge yong kani ka thaw sumaar da em u hapyrdi i chitom kamtæ ki paidbah wa kjut wa chitom da maad ki yeiwa eh neidaw wym biang Doctor.
Hawa pyrchang ka seiñ wow yaklam wa ki wakreh da chem wa em Doctor sa uwi tangwa ym yoh wow yaklam neidaw wa da kut i por Duty kamtæ ka seiñ da ong ko lada kut Duty itæ mut lada emkaam sumaar wa jhan ym boi leh de mo.
Chooh chooh ka seiñ da yoh ko leh ya ka ujor na uwi na ki bru paidbah wa ha ka 29-01-22 ha kani ka jooh ka thaw sumaar ym bien ki wow pdiang ya kini kiwa kjut wei i daw toh wym em Doctor wei da hap ki wow liwan hanla chitom leh.
Ka seiñ hajrong ini i bynta da dap ko dei chrai wei da kyntu ya ka sorkar lyngba ka chnat i chait i khiah wow chimkhia wut wut hajrong ini wow pynbiang ya iwa emkaam kani ka thaw sumaar wei wow takit bniah hajrong i wym pdiang ya kiwa kjut ha kani ka thaw sumaar.
Neiliang ka seiñ da ong ko wa daw lai pait biang sa chisien ya kani ka thaw sumaar wei lada chem sa chisien wa man kamjooh daw khang tala chisyndon ya kani ka thaw sumaar neibhah wym myntoi u em kani ka thaw lada ym em kiwa sumaar ya kiwa chitom.
