Uwa yahkhmat ka Liang Pyrchah ha ka jylla, u Dr. Mukul Sangma da beiñ u ya ka sorkar MDA kawa da khang ya ka Internet mar ya jia iwon iwon, wei da dawa u leh wow wai noh chisyndon yaka Internet.
Hawa klam wa kiwa thoh kubor ynnin ka sngi, da ong u wa ini i leh yong ka sorkar toh wow pyndooh yei hok yong kiwa chong chnong, wei da pynrap wa heipor wa em u hei bor ym jooh pyndooh yei hok ki paidbah kamwa da leh kani ka sorkar. Da ong u wa ha kani ka juk kawa katni ka sorkar toh u sñiawthooh ko yei emkaam ka Internet.
Da ong u wa ini i leh yong ka sorkar pynyoo ko wa ym em buit ko kammon u leh manda em kam ini i jia, wei ini i leh u nang pynthut pathan ko yei long i man wei da pynrap wa toh i kaamram yong ka sorkar wow pynyaphær ya ki bru kiwa tyngkheiñ aiñ wa kiwa chong chnong kiwa bood ya ka aiñ. Da ong chooh chooh wa du neidaw wa em ki kattu katni kiwa ye u tyngkheiñ aiñ ym pyrkhat won ya kiwa chong chnong kiwa bood ya ki aiñ.
U Dr. Mukul da beiñ u yeini i leh yong ka sorkar wow pyndooh yei hok ki paidbah wei da dawa wow wai noh ya ka Internet.
