Dawa u Titos wow dam u pynkrehkaam ya ka CrPC wa CPC ha ki Kachari ki District Council

Hadien wa ka sorkar da rai ko wow pynkrehkaam bait ya ka Criminal Procedure Code (CrPC) wa ka Civil Procedure Code (CPC) ha waroh kawi ka jylla wa kynthup ya ki thaw wa haap hapoh ki Autonomous District Council. U Chief Executive Member ka KHADC, u Titosstarwell Chyne da pynsñiaw u yei wym sñiawkmen neibhah hei yachem wa ka sorkar ha ka tayaw wa da dep, ka District Council da klam che ko wa toh u pynlait na ki thaw wa em hapoh ki Kachari yong ki District Council.

Da ong u wa katkam i rai wa da pynbna ka sorkar ya ka CrPC wa CPC, da pynyoo che wa daw pynkrehkaam ha waroh ki kachari wa kynthup leh ki yong ki District Council, hanla wa klam ko leh ya ka kachari ka District Council wow nang pteiñ i krehkaam katkam ka Para 4 wa 5 yong ka 6^th Schedule ka ri India.

Da ong u wa man iwa emkaam ya ka sorkar wow e bor ha ki District Court, tangwa ym toh u ktah ya ka ki tiar yaleh yong ki Kachari ka District Council. Da ong u wa ka KHADC pyrchah ko ya ini i rai yong ka sorkar neibhah ym em pynlait ya ka CrPC wa CPC na ki Kachari ki District Council.

U CEM da ong u wa ka KHADC daw yaklam biang ko hajrong kani ka phang ha ka yalang yong ki MDC wei daw khut biang ha ka sngi nyngkong ka tayaw wow wan, wei daw pyrchang wow yaklam leh wa ka JHADC kamjooh ka GHADC hajrong kani ka kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Puræ leh: Mynjur ka sorkar wow lai bait i pynkrehkaam ya ka CrPC wa CPC ha ka jylla