Ka NESFAS deiwa ya krehlang waka Global Himalayan Expedition (GHE) da e yarap ki da ki bordiñ Solar cha ki ar tylli ki chnong kitæ ka Mynriah (Mawkynrew Block) wa Nongpriang (Shella Bholaganj Block), wei ya kini ki tiar e bordiñ Solar da pyndait ha ka Public Health Centre wa em ha Swer (Laitkroh Block) wa ha Laitryngew (Shella Bholaganj Block).
Wow leh yeini da yarap poisa da ka CSR ka TATA Communication hapoh ka Climate Resilient Village Program yow pynkhooid ya ka rymaw deiwa pynemkaam da i bor ka sngi hadooh wow chet u tu yow pynku yei rukom im ki bru wa sah cah ki thaaiñ palatsor ka jylla Meghalaya wa Arunachal Pradesh.
Kini ki ar tylli ki chnong toh kiwa em cha tre loom wa hap hiar da 5,000 hadooh 10,000 tylli ki rana heiwa kiwa chong chnong ka Nongpriang ym em bordiñ ki nadooh u snem 2018 katwa kiwa chong chnong ka Mynriah ym jooh em yoh bordiñ ki.
Hadien wa dep u pyndait ya kini ki tiar Solar da em 76 tylli ki manung ka Nongpriang kiwa da yoh bordiñ hei sien nyngkong nadooh u 2018 wa 23 tylli won ki manyung ka chnong Mynriah.
Da pyndait leh ya 15 tylli ki Street Light ha Nongpriang katwa 4 tylli won ha chnong Mynriah. Da pyndait leh ya ki tiar Solar ha Public Health Center ka Swer wa Laitryngew. Da e leh cha kini ki PHC da ki Vaccine Carrier, Lab Refrigerator, Radiant Heat Baby Warmer, Fetal Doppler wa kiwi de ki tiar Solar.
