Da ki hajar ngut ki paidbah deilang wa u President ka Voice of the People Party (VPP) da yang ki ha ka thaw pynyieñ kari wa em ha Additional Secretariat, katwa ka sorkar dang pynman ko ya ka yalang pynche ya waroh ki seiñ pyrthai hajrong i pynkrehkaam ya ka Roster System.
Ya ka VPP da lai wow mihkhmat cha kani ka yalang da u General Secretary, u Dr. Ricky AJ Syngkon, u Vice President, u Dr. H. Kara Chen wa uwa e ktien, u Dr. Batskhem Myrboh tangwa kini da mih noh ki na kani ka yalang neidaw wym bien ka sorkar wow yaklam pynbait thymme ya ka Reservation Policy.
Kamtæ ka Voice of the People Party dei wym hun ya ini i pynche ka sorkar yei pynkrehkaam ya ka Roster System khlem da yaklam chwa ya ka Reservation Policy, da pynbna ko wow pynman yei yakhih deiwa chong chah thngan khlem da booh por kawa daw sdang nadooh ka 23 tarik uni u bnai.
Yeini da pynbna da u President ka VPP, u Ardent Miller Basaiawmoit hadien wa da yoh yei pynche na kiwa yahkhmat kiwa da lai chimbynta ha kani ka yalang wa da khut da ka sorkar.
