Ka seiñ kiwa yah Truck ka karkhana Star Cement kawa tip kam ka Star Cement Truck Driver Association daw pynman ko da ka yakhih chah thngan kawa da khlem booh por nadooh ka 16 tarik uni u bnai ha i thaw wa em kani ka karkhana ha Lumshnong.
Ya ini i chah thngan da pynman neidaw wym bna kiwa pynlai kari ka Star Cement wow pait yei bha i miat kiwa yah Truck neibhah pynleh donhi kamwa phah Trip ya ki cha jngai tangwa da jied ya du ki kattu katni donhi yow pynman ya kiwi won wow ieh ki yei kaam yong ki yow yoh u thap kreh ki da kiwi won.
Ka seiñ da ong ko wa nachwa ym jooh em jia kamni neibhah manda phah Trip cha jngai da phah salonsar deiwa lai katkam ka Serial Number ymtoh deiwa jied ya ki kattu katni donhi kiwa yah kari wei ka bai phñiang, ka bai baam leh ym biang wei hajrong ini da rai wow pynman da ka chah thngan ha pchem yong kani ka karkhana khang yow yoh biang yei kaam wa i hok kam kiwa yah kari kani ka Company.
Discussion about this post