Kamwa da jooh leh na uwi u snem cha uwi, i yang miet yow pdiang ya u snem thymme ha Jowai da man ko kawa kmen wa chongchit deiwa mih kiwa chong chnong ha jar jiar ki dong ki chnong kiwa da pynman yei lehkmen deiwa thang ya ki Bonfire kamjooh ki pynwyrngia da ki chaad ki rwai wa kiwi de wa da e da ki khon ki chnong ki thaw.
Hawa yoh u lai sakhi ha ki kattu katni ki thaw da yoo yei diñ wa kyrooh heiwa da ku ki diahmai ki khynroo khyllood ha ki rynsan wa da pynkhreh yow pynyoo yei sap i phong yong ki wow rwai wow chaad wei wow tem u put.
Da pynkup burom leh ya ki khon ki chnong kiwa da jop ha kiwa boon ki kaam wa da leh ki ha u snem 2024 nadooh ha ki kaam Sports wa kiwi de kiwa da wanrah yei naam ya ka chnong ka thaw kamjooh ha ki yakob wa da pynman da jar jiar ki chnong ki thaw.
Iwa rap kyrpang toh ya ka Lion Mission Compound Dorbar Chnong kawa da sdang yei lehkmen dap 60 snem namo ka Diamond Jubilee kawa da wan wow sakhi da u W.R. Kharlukhi, MP kam u kongsan.
Hadien wa kut ki yalehkmen da ya mih leh wow lai chaad miet kam chibynta wow lehkmen ya u snem thymme kamjooh yow e khublei ya u snem warim.
Neiliang i ha u Wyrta leh da e khublei snem thymme i ya phi waroh wa ha uni u snem thymme u yoh phi yeiwa angnood phi kamjooh yow poi cha ki thong wa da booh.
Discussion about this post