Ka Sur Ki Nong Mawlai kawa da yahkhmat da ka KSU Mawlai Circle, FKJGP Mawlai Circle wa HNYF Mawlai Circle kam chibynta wow sdang noh u pynjoor ya ka yakhih pyrchah yei wym mano ka sorkar wow beh kreh chipor ya ki 3 ngut ki heh pulit hawa yatoh wa i yap u Cherish Starfield Thangkhiew.
Kamtæ yow pynyoh yei hok ya u Cherish, neiliang yong ‘Ka Sur Ki Nong Mawlai’ daw pynman ko ya ka chong kyllaaiñ myngngor (Sit in Demonstration) ha ka 20 tarik uni u bnai ha Barik hei thaw wa em u motdur u Kiang Nangbah wa em mar pyrchah ya ka Civil Hospital, Shillong nadooh 11 waje i step.
Kamtæ da khut ya kiwa chong chnong yong ka chnong Mawlai wow yamih ryntih lang ha katai ka yakhih wei heijooh i por da khut ya ki Dorbar Chnong, ki seiñ manbei waphær waphær wa ki seiñ khynroo waroh kiwa em ha sor Shillong wa khapsor leh wow wan mih ki chakhmat.
Ini toh katkam wa pyntip u Rapborlang Nongrum, u Khrawkupar Nongsiej wa u Sanbor Rapsang kiwa man kam ki Convener.
