Ka Joint Action Committee (JAC) kawa kynthup ya ka FKJGP, KSU, Synjuk Waheh Chnong Namdong Area; ynnin ka sngi ha ka yalang kawa da pynman ha Community Hall ka Namdong-B, da chim ki ya i rai wow pynman da ka chong kyllaiñ-myngngor ha pchem yong ka PHC Namdong neidaw wym bna ka sorkar MDA wow pynbiang ya i duna ha Namdong PHC.
Da rai leh wow sdang yei chong kyllaiñ-myngngor du da kiwa yahkhmat chnong, ki dkhot yong ka KSU, FKJGP wow dawa ya ka sorkar wow pynbiang ya iwa emkaam jhan ki paidbah kiwa da dawa kiwa em hadooh 8 jait.
Ya ini i chong kyllaiñ-myngngor daw sdang nadooh i por 11 waje i step ha kani ka 27 tarik hadooh 3 waje noh chariñ ka sngi wei hadien wa kut i chong kyllaiñ-myngngor daw chim wow ya i rai wa eh lane wow khutlang ya ki paidbah waroh wow mihlang yow dawa ya iwa emkaam iwa ktah sakhiat ya kiwa kjut wa chitom kani ka thaaiñ wot lada dep lai booh dei thoh boonsien cha ka sorkar tangwa ym ap wei bna iyi iyi leh hajrong ini neibynta i biang yong ki paidbah, wei kam kiwa yahkhmat ym yohsa ki wow mih madan yow pynyoo ya ka sorkar.
