Hadien wa kut i e por ka VPP ya ka sorkar MDA-II wow pynsangeh chwa yei thung kreh kat wym pu ye u bichaar bniah ya ka Reservation Policy kamjooh ya ka Roster System da ka Expert Committee, ka Party da chim ko ya ka rai wow pynman noh da ka yakhih deiwa chong kyllaiñ myngngor ha ka thaw pynyieñ kari wa em hajan ka Additional Secretariat.
Ya ini daw pynman ha ka 17 tarik uni u bnai nadooh 10:00 waje i step hadooh 4:00 waje i janmiet.
Kamtæ da khut da wer ya waroh kiwa kreh ka Party wa ki paidbah wow ya wan cha katai ka yakhih wa da pynbait ka Party yow pynbor ya ka sorkar.
Ka Party da pynbaad ko wa kani ka sorkar wa yahkhmat da ka NPP da leh khlot ko yei rukom pyrkhat wa chongnia wa yei hok wa i sñiawkhia ki paidbah.
Da pyntip leh wa ya kiwi ki yakhih daw pynbna won hadien.
