Dei chong kyllaiñ myngor ka JNC ha khmat ka Civil Hospital

Jowai: Ka Jaintia National Council (EJNC&WJNC) da rai ki u pynman da ka chnong kyllain myngor wa ka rah lama yong ha khmat ka Jowai Civil Hospital ka kani ka 24 tarik nadooh 10 waje i step hadooh 3 waje i janmmiet.

Ïa kani ka rai ka seiñ da chim ko hadien ka yalang wa pynman ha ka 11 tarik uni u bnai deiwa emlang ki nongmihkhat ka chnong Tuber u Assiatant Waheh Chnong, ki waheh ki dong wa u waheh chnong wa rim deilang wa ki nong chong chnong. Da rai da iwi donhi i sur u iamih paidbah ha kani ka 24 tarik kam ka dak pyrchah ïa ka Jowai Civil Hospital ya iwa ym kheiñ wei wym ap ko ïa i dawa ka seiñ wow beh kreh chipoor (suspend) ia kiwa emkti u choh u dat ïa u Graham Lyngdoh uwa na ka chnong Tuber.

Ka JNC da khut da kyrpad ko ïa ki para chnong para thaw, para seiñ bhalang khlem booh ïa ka yaphær lama kiwa na jan wa na jngai u ïa emlang wa ki ha kani ka sngi.

U Shanbok L Syad, President EJNC-Central Body da ong u wa kani yakhih yong ka seiñ ym mut du nei bynta yong u Graham Lyngdoh hynrei kani ka yakhih ka seiñ man ko leh ïa i bynta ka mynstep mynkawi neibhah ka seiñ ym kwah ko jia biang sa chisein ïa kiwi kam wa jia ïa u Graham Lyngdoh.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamwa pynkynmo u Graham Lyngdoh da kynnoh u wa chah tba kti u ha u chowkidar ka Civil Hospital wa ki nongkreh ka hospital ha ka miet ka 19 Naisaphra heiwa da tooh ki leh ka poisa wa T 25000 na doh u.