Katwa ka ri dang yaam bru ko neiwa jia ha Pahalgam ha ka 22 tarik heiwa da em 26 ngut kiwa uiñke suwari kiwa chah siatyap. Kawi ka dukan dai baam ha Indore, Madhya Pradesh da pynyoo ko yei chrai deiwa booh ya kawi ka Poster kawa ong, “Pigs and Pakistani citizens not allowed at Chappan Dukan.”
Kani ka Chhappan Dukan toh ka dukan wa pawnaam bha kawa dai baam ha Indore, da booh ko yei dur u sniang hei dur u heh chipai namo u Army Chief ka Pakistan, u Asim Munir wei kani ka thaw da man ko kam ka thaw pynyoo ki bru yei yatylli wei da wan ki leh wow chondur Selfie hakhmat kani ka Poster.
U tre kani ka dukan da ong u wa da leh yeini neibhah ki Pakistan da choon ki ya kiwa na India du neidaw ka niam wa bood ki wei kani man ko ka laad wow dawa yei hok kiwa chah tynyap wei da chaniah ki ha u Modi wow e u yei jubab deiwa khor.
Kam ka dak wow pyrchah, kiwa chongdai cha rood sarok da kdoh ki leh da ki that rong yong ha kti ki wei wow kynmoo leh ya kitu kiwa da dooh yei mynsien ki.
Ha kawi won ka khubor na kani hi ha thaaiñ, uwi u muktiar wa tip kam u Lokesh Mangal da thoh chithi u cha u Prime Minister heiwa da pynbna u Rs. 1 klur ya uwon uwon u nong India lada toh u chipai næ u bru paidbah wa pynyap ya kitu kiwa emkti heiwa jia ha Pahalgam.
U Mangal da kam u leh wa lada 100 ngut ki Terrorist wa chah pynyap, u su u Rs. 100 klur wei u man u kam uwa yasaaid aiñ dei mynkna ya kiwon kiwon kiwa leh ya ki kaam wa yada ya ka ri hawa leh ki ya ini i kaam wa da pynbna u.
Discussion about this post