Jowai: Chirup wa ka ri wa ka pyrthai, ka NSS Unit Kiang Nangbah Government College wa ka Kiang Nangbah Govt. Higher Secondary School ynnin ka 21 tarik da leh emwarom ko ya ka International Yoga Day.
Ha kani ka sngi da pynman ya artylli ki programme heiwa kawi toh da batai da kawa sikai ka College ka Monica Lyngdoh chapang i myntoi na i leh yoga. Da ong ko leh wa boon ki chitom kam i boonpyrkhat, i tieñsar, iwa ymbait i pyllai yumut ktah ko ya i rukom im wa man ka sngi tangwa deiwa leh yoga yarap ko chiboon wow pynduna yeini.
Hei yatoh wa ki khynnah, ka yoga yarap ko yow pyllai yumut ha i puræ puthi kamjooh leh yada ko neiwow lai cha ki luti wa bakla.
Ha ka wa ar ka bynta da em i pynyoo kammon u leh ki exercise ki wa toh wa ka yoga wei ya kani da pynyoo luti da u H. Toi uwa sikai kani ka thaw puræ.
Discussion about this post