Dei kreh chitom ka sorkar jylla du hapoh 48 kynta pynlait ka Assam ya ki kari wa chah rah na Khanduli

Ynne ka sngi, u Waheh Chnong ka Khanduli, West Jaiñtia Hills, u Yooshida Nongspung da pyntip u wa ha i janmiet ka 22 tarik uni u bnai, ki pulit khloo (Forest) ka Assam, da wan kem ki ya ar tylli ki kari Pick-Up wa kit dieñ thangdiñ ya kiwa da kit na Pdeiñlanghoh i khloo iwa man i yong ka chnong ka thaw nadooh nachwa.

Da ong u wa mar ya tip yeini neiliang kiwa kitkaam chnong da pyntip ki cha ki bor District kiwa da chimkhia ya ini i kaam.

Da ong u wa dei kreh chitom ka sorkar jylla da ye wow pynlait ya kini ki kari du hapoh 48 kynta donhi.

Related posts

Iñkhaw ka Bolero Pickup ka Shree Cement neiwa chah kawang Petrol Bomb ha ki bru wa kah durkhmat ha EJH

August 25, 2026

Daw pynman ya ka e sikai pynriam pynchna syntu wa i chna kpieñ neibynta waroh

August 25, 2026

Hajrong ini da e khublei u ya ka sorkar jylla nadooh u MLA ka thaaiñ, u Sñiawbhalang Dhar, ya u Abhinav Kumar Singh uwa man u DC ka West Jaiñtia Hills, u C. Syrti uwa man u SP ka District, u GH Passah uwa man u ADC kamjooh leh ya u K. Rani uwa man u In-charge ka Saitsama Police Outpost wa da kreh chitom ki iwa da pynman ya ka Assam wow pynlait ya kini ki kari.

Da e khublei u leh ya ka sorkar wa da emlang ki bru ko 24 kynta wa ki bru wa em ha khappood miet wa sngi.