Dei kreh yonglang pynkhreh ka Seiñ Raij Raliang ya ka Kopati Puja

Kam chibynta wow lehkmen leh sñiawbha yow pynem warom ya ka Kopati Puja ka wow man ha ka 22 tarik uni u bnai, ka Seiñ Raij Raliang da pynman ko dei kreh yonglang ynne ka sngi, heiwa ki khon Niamtre dei mynsien ka’it da mih ryntih lang ki nadooh ki manbei, manpa, ki khynroo khyllood hei wow pynkhooid pynjngiar, ya ki luti syngkieñ nadooh na laad Club luti Baam Yangkhat, Loom Thangbru, Loom Chad Ksohtympong wa Loom Mowtylleiñ.

Chooh chooh kam wow pynphooh pynphieñ ha katai ka sngi da chimbynta chongchit ki khon Niamtre wow puchara chuni nadooh Yung Seiñ Raij chadooh i yung u Wamon (Sohblai) kam ka dak ka wow pdiang ya ka Kopati Puja ha uni u snem.

Kamtæ ka Seiñ Raij Raliang chim ko kani ka laad wow e khublei Kopati Puja wa suk wa kmen ya phi waroh ki khon Niamtre yong ka Raij Raliang kamjooh lang ya waroh ki paralok parajor, “E wa kani ka Kopati u thæh ko i kyrkhu kyrdoh yoh u lehbha ki khynnah kiwa em hei Exam waphær deiwa yoh leh yei chait i tram i biang i dap ha waroh ki liang”.