Kam chibynta i leh burom yaka “World No Tobacco Week” neiliang ka Tep Kyndait Government UP School, Tuber Kmaichnong haka 18 tarik uni u bnai da pynman ko da ka yalai paidbah pyrchah yei dih wei baam duma namo ka Rally Against Tobacco, heiwa ki khynnah skur wa kiwa sikai yong kani ka skur da rah ki deilang ki Placard wei kbai ha waroh ka chnong kamjooh ki bynta yong u sarokbah.
Ya kani ka Rally da pynman kam chibynta u pynyoo cha ka pyrthai khamtam hapoh ka chnong ka thaw wa u sikret næ u duma toh uwa sih bha hei im yong ki bru. Man uwa ye u ktah ya ka la-ær wa riñ pynhiar mynsien yong waroh kiwa im wa khih.
Da yahkhmat ya ka skur da waroh kiwa sikai wa kiwi tawon ki wakreh ha ka skur, yow pynyoo sakhiat wa dei yakrehlang ye u pyndooh yei dih sikret næ duma ha ki talawiar soodong ka skur.
Heijooh i por da kyntu haroh ya kiwa chong chnong wow wan ki chakhmat yow ye u pyndooh.
