Ka Joint Action Committee Nartiang Khanduli Circle (JACNKA) kawa kynthup ya ki waheh chnong, ki seiñbhalang, kiwa yah kari kamai Tourist wa ka chnong Mynsngat, chnong Murap daw pynman ki ya ka lai paidbah namo ka Rally kam ka dak wow beiñ joor ya ki damok wa tynyap bru.
Ka Committee da dawa ko leh wym toh u pynlait de ya kini kiwa tynyap bru wei wow kset patok waroh chi rta ya u Meban Talang (u diah u I Love You) na chnong Murap wa ya u Sambun Dkhar naka chnong Mynsngat kiwa da tynyap khiar ya u Pynkhreh Surong ha kini ki tayaw wa da dep wei wow booddien ya kiwi lok yong ki.
Hajrong ini, ka JACNKA u pynman ko ya ka lai paidbah haka 30-03-23 ha i por 11:00 waje i step ha chnong Mynsngat deiwa sdang na Dong Yurim wei daw pynkut ha Iaw Mynsngat da ka yalang paidbah.
Kamtæ da kyrpaad ya phi ki waheh chnong, ki seiñbhalang, ki Drivers’ Association, ki paidbah wow sñiawbha phi wow u wan khlem pep cha kani ka Rally rangkat i thoh wa ki Banner yow pynsñiaw yei pynrem ya kini ki damok wa pynyap bru.
