Dei langær u kynreh ya ki kari ki bru samen wa kamai pyrchah aiñ ha East Jaiñtia Hills

Ka Road Safety Week hajrong ka phang “Swachhata Pakhwada” wow pynsñiawthooh paidbah ya i chngaaiñ ha sarok wa pynman da ka yung krehkaam u District Transport Officer, East Jaiñtia Hills District, chirup wa ka District Administration, Public Works Department, Police Department waka chnat i chait i khiah da pynkut ya ka ynne ha Lad Rymbai Dongwah, East Jaiñtia Hills District.

U R. Hinge, District Transport Officer da ong u wa i daw wa pynman ya ka Road Safety Week toh neidaw wa dang boon kiwa yap nei tyrrah kari wei wow pynsñiawthooh ya ki paidbah hajrong i chngaaiñ ha sarok wei wow bood ya ki kyndon kamjooh wow ngait ya ki pulit wa pynlai kari.

Chooh chooh da ong u wa kiwa kamai kari emkaam u em ki ya ki kot ki sla wa biang kam ki Driving License, Vehicle Registration Certificate, Permit, ka Fitness Certificate wa kiwi de yow lait nei chah deiñ kuna wa i chah pynchitom. Heiyatoh wa kiwa kamai kari emkaam wow yoh ki ya ki Permit na yung krehkaam yong oo neibhah neini daw kynreh joor ya ki kot ki sla kari yong ki bru samen kiwa pynemkaam yow kamai ha District pyrchah ya ka aiñ.

U D. Warjri, Sub Inspector, Lad Rymbai Police Outpost, da ong u wa joor i tyrrah kari toh neidaw wa sih ki sarok, i lai jhan wei i knieh pali ya kiwi ki kari. Da ong u wa emkaam wow syndong bha hawa yah kari wei wow bood ya ki kyndon wa da booh wei kamjooh leh wow sap Helmet hawa yah thuk-thuk.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U H. Dkhar, Motor Vehicle Inspector, da ong u wa ki kari kamai man ki kiwa kongsan wow kit ya ki bru wa ki mar kamtæ emkaam wow man kiwa syndong hawa yah kari khnang wow chngaaiñ ki bru wa chong hapoh deiwa bood ya waroh ki kyndon nadooh i rukom yah wa i rukom booh kari wei lada jia iwa mynsoo toh u Phone Ambulance lane kit ya kiwa mynsoo cha ki thaw sumaar wa em hajan dooh. Da kyntu u leh ya ki kari kamai wow booh ya ki First Aid Kit wa ki Fire Extinguisher hapoh ki kari.

Kiwi kiwa da klam kynthup ki ya ka N. Dkhar, MLHP/CHO Sub-Center, Dkhiah wa u I. Dkhar, Enforcement Inspector, Office of the District Transport Officer, East Jaiñtia Hills District, Khliehriat.