Dei mynsien wa kmen wa chit ka yang miet Christmas ha Jowai

I yang miet yow pdiang ya ka sngi Christmas ha Jowai da man ko kawa chit wa kmen wei kawa dap dei mynsien maya para bru heiwa da mih nadooh ki khynnah, ki waheh wa ki tymmen wow lai pait lai chimbynta deiwa kyrooh ki Bonfire.

Kamwa jooh leh man-u-snem, ki Balang wa em ha Jowai da pynman ki jar jiar ki yalang lehkmen kam ka Balang Presbyterian Jowai, Balang Presbyterian Mynthong, Balang Presbyterian Thadlaboh wa kiwi de heiwa da em ki rwai ki chaad, ki yalehke skit wa da chimbynta da ki khon ka Balang.

Hadien wa kieh ka 12:00 waje, da pynman leh ya ki yaseiñ wa tip leh kam ki Midnight Service yow e khubor Christmas ha kani ka sngi wa kyntang wa da phah u Blai da u khon yong oo cha ka pyrthai yow maap yei pap yong waroh.

I neiliang u Wyrta leh chim i kani ka laad wow e khublei Christmas ya phi waroh yow yoh phi dei suk dei kmen, dei maya ha ki yung ki sem kamjooh ha ki chnong ki thaw wa em phi.

Related posts

Kyntu ka seiñ Hindu ya ka USA wow chimkhia yei chah thombor ha Bangladesh wa Pakistan

January 18, 2026

Kayi ka Nobel Prize? I pynche wa tbian khamtam hadien wa e kti ya ka Peace Prize cha u Trump

January 18, 2026