Hadien ka kynaad kawa da neh 3 sngi nadooh ka 9 tarik uni u bnai, ynne won i janmiet ka 12 tarik, ka sor Tura da chlai mynsien ko deiwa duwai wei ngooh Blai yonglang da kiwa chong chnong yow wanrah biang yei chongsuk chongsaaiñ ha West Garo Hills wa ha ka thaaiñ waroh kawi.
Ha kani ka yalang duwai wa da pynman ha laad Araimile, da tooid da ki spah ngut ki paidbah kynthai wa chynrang kiwa da chimbynta leh wow ya rwai chirup i ngooh i dem.
Kani ka thaw wa pynman yaseiñ toh kawa joor bha ka yakhi heiwa da kah sarok wei da em leh ka yung dukan ka BN Tower kawa da chah thang ynnin i miet.
Kam wow kdaw heini wa ynnin i miet da em kiwa chong chnong kiwa da mih na ki yung ki sem yow lai uiñ hapoh ki dong ki chnat ka chnong yow e yada ya ki thaw sah thaw chong ki.
Discussion about this post