Shillong : Kam wow lehkmen ya ka lyngkhooh snem wa ar yong ka Swacch Bharat Mission ha East Khasi Hills District, ynne ki bor district hei yakreh lang wa ka Dorbar Syiem ka Hima Mylliem da pynman ki ya ka pynkhooid ka ya Iewduh, Shillong wei ya kani ka pynkhooid da pynlut lyngba ka Chief Minster’s Youth for Green Campaign.
Ha kani ka sngi da emlang leh u lat ka jylla u V. Shanmugnathan kam u kongsan hei emlang ka Roshan Warjri, Health & Family Minister, u R.V. Lyngdoh, Urban Affairs Minister, u H. Lyngdoh, MDC, u Y. Tsering, Additional Chief Secretary, u P. S. Dkhar, Deputy Commissioner, East Khasi Hills, u H. M. Shangpliang, Secretary, Social Welfare Department, u M. Kharkrang, SP, East Khasi Hills, u Paiem Ricky Nelson Syiem, Syiem ka Hima Mylliem wa kiwi kiwi.
U lat hei klam yong oo da ong u emkaam i kreh lang ki paidbah, ki seiñ bhalang, yow ye u pynman yei thrang u Mahatma Gandhi yow pynman ya ka ri India kawa khooid wa suba.
Da ong chooh chooh u wa ka Swacch Bharat da sdang da u Prime Minister ka ri yow ye u pynkhooid ya waroh ki chnong ki thaw wa em hapoh ka ri wei man ko kam ka wi na ki thong wa em ha khmat dooh yong ka sorkar.
Ha kani ka pynkhooid yaaw da emlang leh ki ki dkhot ka NCC, ka Bharat Scouts and Guides deilang wa ki khynnah skur.
Da leh warom leh ya u Mahatma Gandhi deiwa booh syntu yei dur u wei wow thang ya ka charak wei da pyn smai (Swaach Bharat Pledge) leh ya waroh wa em ha kani ka sngi da u lat.
Discussion about this post