Ka yung ka sem u Raja Raghuvanshi, uwa da chah pynyap deiwa suba wa leh pyn da ka kurim u deilang kiwi heipor wa lai Honeymoon ki cha Meghalaya, da pdiang sñiawbha ki ya i khonboo chynrang ha ka 29 tarik uni u bnai heiwa da e pyrtuid ya oo leh kam u Raja deiwa ngiat wa da mihsalan u hapoh ka manyung.
Uni u khonboo toh u khon u payu u Raja uwa tip kam u Sachin, uwa da ong wa u da khana uwi u bru niam ka Kamakhya Temple uwa da ong ya oo wa ya u Raja daw kha biang ya oo neidaw wa yap u dei mynsoo.
Katkam wa ngiat niam, hadien ka 13 sngi ka leh niam, u Raja daw kha biang ya oo hapoh ka kani ka manyung heiwa u Sachin da ong u wa ini kha ya u khon u toh deiwa kheiñ yei rukom mih bnai heiwa u Raja da yap u ha ka sngi wa 11 chwa ka 14 sngi wa lai u bnai heipor kamwa 2:40 i sngi wei u khon u da kha ha ka jooh ka sngi heipor 2:42 i sngi.
Da ong u leh wa waroh iwa jia toh i mon u Blai wei i yoh khon u toh iwa da wanrah yei kmen ya ka yung ka sem hadien da ki bnai wa sñiawsih.
Ka bei u Raja da ong ko wa u e pyrtuid ya u khonboo dei pyrtuid u Raja wei kut wa khut ki oo leh kam u Raja sñiawthooh u, da kam ko.
Discussion about this post