Shillong: Ka Khasi Students’ Union (KSU) lyngba ka khubor wa phah da ong ko wa hei yatoh wa ka luti rel ha ki district yong ki Khasi and Jaiñtia Hills ka seiñ ym chong kli kti ko tangwa daw yaleh ko katwa ye wow pynsangeh ya ini wei u pteiñ i hadooh wa da biang ki aiñ wa ki laad wow sonteri yei psiah i mih ki baar jylla.
Kam chi bynta wow pynsñiawthooh janai ya ki paidbah heiyatoh wa i ma wa mih naka luti rel, ka seiñ daw saam ko da ki kot khian (flyers) kylleiñ ha ynñiawtrep heiyatoh wa i ma wa daw mih na ka i wow ktah ya ki i kam ki khian paaid.
Kini ki kot daw batai bniah ki chaphang iwa boon wa daw dooh myntoi ki paidbah kam ki khian paaid khlem ka aiñ wa biang yow pait ya i sonteri ya ki baar jylla.
Kamtæ ka seiñ da kyntu ko ya ki paidbah wow sñiawbha puræ wei wow sñiawthooh deiwa puræ ya kini ki kot khian yow rap tip bniah chaphang i pyrchah ya ka luti rel.
“Ini i saam ya kini ki kot toh kam iwa sdang ka seiñ yow pynsñiawthooh ya ki daw wow pyrchah ya ka luti rel wow psiah ko cha kani ka jylla khamtam ka thaiñ Khasi wa Jaiñtia” da ong ka seiñ.
Kani toh katkam ka khubor na u Rapborlang Nongrum, Publicity Secretary ka Khasi Students’ Union.
Discussion about this post